Регистрация    Войти
Авторизация
★★★★★
» » Ürəyi sağlam saxlamaq üçün 5 SADƏ MƏSLƏHƏT

Ürəyi sağlam saxlamaq üçün 5 SADƏ MƏSLƏHƏT

Ürəyi sağlam saxlamaq üçün 5 SADƏ MƏSLƏHƏT

Statistika göstərir ki, biz ürək-damar sistemi xəstəliklərinin epidemiyası dövründə yaşayırıq.
Ürək-damar sistemi xəstəlikləri xeyli "cavanlaşıb" və son vaxtlar hətta cavan insanlarda tez-tez aşkar olunur. Ürək-damar sistemi xəstəlikləri bütün dünyada ölüm səbəbləri arasında qorxunc 1-ci yer tutur.
Həkimlər qeyd edir ki, ürəyi artıq xəstəlik inkişaf etdikdən sonra deyil, cavanlıqdan, uşaq yaşlardan qorumağa başlamaq lazımdır. Bu kifayət qədər asandır. Ürəyi sağlam saxlamaq üçün 5 sadə məsləhət:
- Düzgün və sağlam şəkildə qidalanın. Bu o deməkdi ki, qidalanmanız təbii qidalardan ibarət olunmalıdır. Marqarin və bu kimi süni "yağlar", kolbasa-sosis məmulatları, fast-fud qidaları, dükanlarda satılan peşenye, vafli və s. şirniyyatlar, çox duzlu, yağlı qidalar ürəyin sağlamlığı üçün ziyanlıdır.
Kardioloqlar ürəyin sağlamlığı üçün hər gün 1 ovuc qoz-fındıq (badam, püstə, keşyu, qoz), 1 diş sarımsaq,  1 tikə qara şokolad, 1 alma və 1 banan yeməyi tövsiyə edirlər.
- Hərəkətli olun. Ürək əzələdir. İstənilən əzələni tonusda saxlamaq üçün onu daim işlətmək lazımdır. Bu ürək əzələsinə də aiddir. Sağlamlığınız buna yol verirsə hər gün 20-30 dəqiqə ərzində bədən tərbiyəsi ilə, qaçışla məşğul olun, hovuzda üzün. Əgər bu mümkün deyilsə, hər gün ən azı 30 dəqiqə ərzində piyada gəzin.
- Kifayət qədər yatın və dincəlin. Sübut olunub ki, həddindən artıq çox işləyən insanlarda ürək-damar sistemi xəstəliklərinin riski artır.
Yuxusuzluq, xüsusilə də xroniki yuxusuzluq, ürəyin sağlamlığına çox mənfi təsir edir.
- Ziyanlı vərdişlərdən imtina edin. Siqaret və spirtli içkilər ürək-damar sisteminə böyük zərbə vurur. Siqaret çəkmək damarların xroniki sıxılmasına səbəb olur. Bu isə müxtəlif pozulmalara gətirib çıxardır.
Spirt isə ürək əzələsinə güclü toksiki təsir edir.
- Mənfi emosiyalardan, streslərdən uzaq olun. Kardioloqlar çoxdan fikir verib ki, tez-tez mənfi emosiyaları (hirs, həsəd, kin, kədər) keçirən, pessimist insanlarda ürək-damar sistemi xəstəliklərinin riski artmış olur.  Əksinə isə pozitiv, optimist insanlarda bu xəstəliklərə daha az təsadüf edilir.

© Evde.biz
Xəbər xoşuna gəldi? Bizi LİKE et:
   27 02 2019 / 16:18   Pəhriz növü: Sağlamlıq Baxılıb: 84   


Saytda dərc edilmiş bütün informasiya yalnız TANIŞLIQ məqsədi ilə verilmişdir.
Pəhrizə oturmazdan əvvəl həkimlə məsləhətləşin.
Нажмите ««Нравится»», чтобы читать нас на   Facebook
Bağla
Нажмите ««Нравится»», чтобы читать нас на   Facebook